Тошкентга 24 ноябрь куни Қозоғистон бош вазири биринчи ўринбосари Асқар Мамин бошчилигидаги делегация ташриф буюради, дея хабар бермоқда «Nuz.uz».
Ташриф дастуридан Ўзбекистон ҳукумати вакиллари билан учрашув ва музокаралар ўтказиш ҳам ўрин олган.
Шунингдек, Қозоғистон делегацияси икки томонлама ҳамкорлик бўйича ҳукуматлараро комиссия ҳамраисларининг ишчи йиғилишида қатнашади.
Бундан ташқари, меҳмонлар Ўзбекистон ва Қозоғистон ўртасида дипломатик алоқалар ўрнатилганининг 25 йиллигига бағишланган тадбирларда ҳам иштирок этади.
Эслатиб ўтамиз, аввалроқ икки мамлакат ўртасида дипломатик алоқалар ўрнатилганининг 25 йиллиги муносабати билан Шавкат Мирзиёев ва Нурсултон Назарбоев бир-бирини қутлагани ҳақида хабар берилган эди.
Изоҳ (0)