Жанубий Корея нашрлари Samsung компаниясининг расмий аноним вакили томонидан эълон қилинган иқтибос билан бўлишди, деб хабар берди «Hi-tech.mail.ru».
Унда шундай ёзилган:
Galaxy S9’да харидорлар кутаётганидек инновацион функциялар бўлмаса ҳам, биз Galaxy S8 қурилмасининг сифатига ва инновацион фойдаланувчи интерфейсига (UХ) эътибор қаратамиз.Шу билан бирга маълум қилинишича, Samsung Galaxy S9’да 9:18,5 томонлар нисбатини сақлаб қолади, бироқ дизайнга сезилмас ўзгартиришлар киритган ҳолда унинг ҳошиясини кичрайтиради. Қурилма Samsung томонидан ишлаб чиқилган янги Exynos 9810 ёки Snapdragon 845 операцион тизимида ишлайди.
Galaxy S9’нинг камераси суратга олиш жараёнини секинлатиб, сониясига 1000 та кадрни олиш имкониятига эга бўлади. Шунингдек, компания яқинда иккита янги сенсорини намойиш этди, улардан бири янги флагманда қўлланилиши мумкин.
Маълумотларга кўра, Galaxy S9 Барселонадаги келгуси Mobile World Congress тақдимоти вақтида намойиш этилади. Флагманга ўрнатилган ноёб камера модули сабаб унинг нархи 60—90 долларга қимматлашиши кутилмоқда.
Изоҳ (0)