«Ўзбекистон ҳаво йўллари» миллий авиакомпаниясида борт тановули учун таомлар презентацияси давом этмоқда. Бу ҳақда UzNews хабар бермоқда.
Бу сафар йўловчилар учун борт тановули таомлари концепциясини SalSal ресторани тақдим этди.
Машҳур ошпаз Баҳриддин Чустий бир неча хил меню тайёрлади.
SalSal ресторани тақдим этган таомларнинг ўзига хослиги Ўзбекистоннинг турли минтақаларидаги овқатланиш маданиятини ҳар хил версияларда тақдим этиш ғояси бўлди. Сурхондарёча салат, қўқонча шашлик ва ҳолва, Қашқадарёга хос кўзачали гўшт, Бухоро ширинликлари, Самарқанд қуруқ меваси солинган ширинликлар, Бухороча лўлакабоб ва ҳоказо.
«Ўзбекистон ҳаво йўллари» вакиллари айниқса тўққиз хилдаги кичик ҳажмли нонларга қизиқиш билдирди. Ҳар бир кўринишдаги нон Ўзбекистоннинг муайян вилоятига хосдир.
Жами SalSal ресторани бизнес-класс, эконом-класс, болалар тановули ва икки соатгача бўлган қисқа рейслар тамаддиси учун уч хилдан таомнома тақдим этди. Пишлоқлардан ташқари, 57 номдаги таомлар таклиф қилинди.
Авиаташувчи мутахассислари борт тановули талабларига жавоб берадиган менюларни танлаб олиш мақсадида Баҳриддин Чустий билан маслаҳатлашувларни давом эттирмоқда.
Изоҳ (0)