Ўзбекистон ҳукуматининг бош вазир Абдулла Арипов бошчилигидаги делегациясининг Германияга расмий сафари ҳамда Ўзбекистон – Германия бизнес-форуми доирасида «Ўзавтосаноат» АЖ ва Volkswagen AG концерни ўртасида JV MAN Auto-Uzbekistan майдонларида Volkswagen Amarok пикапини ишлаб чиқариш бўйича келишув имзоланди. Бу ҳақда 1News хабар бермоқда.
Лойиҳа 2018–2019 йилларда амалга оширилиши режалаштирилмоқда.
Volkswagen автотранспорт воситаларини ишлаб чиқариш бўйича жаҳонда етакчи учликка киради. Энди ушбу бренд Ўзбекистонга кириб келади.
Volkswagen Amarok — Volkswagen модель гуруҳи таркибидаги ўрта ҳажмли пикап. У 4MOTION тўлиқ узатмаси, 8 поғонали ўтказиш қутиси ва 3 литрли V6 TDI мотори билан жиҳозланган.
Изоҳ (0)