Европа Иттифоқи Венесуэлага нисбатан чеклов чоралари доирасида ушбу мамлакатга қурол-яроғ етказиб беришни тақиқлади. Бу ҳақда «Коммерсант.ru» хабар бермоқда.
Бундан ташқари, Венесуэланинг айрим фуқароларига тегишли активларга банд солишни осонлаштиришни назарда тутган ҳужжат қабул қилинди. Санкциялар Евроиттифоқ мамлакатдаги вазиятдан ташвишда эканлиги муносабати билан қабул қилинди.
Евроиттифоқ баёнотида таъкидланишича, кўрилган чоралар босқичма-босқич ишлатилиб, ушбу мамлакатда қонун устуворлигига амал қилмаётган ҳамда инсон ҳуқуқларини бузаётганларга қарши қаратилиши мумкин.
«Бу чоралар мамлакатдаги вазиятга қараб бекор қилиниши мумкин. Масалан, ишончли ва аҳамиятли музокаралар ўтказилса, шунингдек, расмийлар демократик институтларни ҳурмат қилса, сайлов ўтказиш графигини келишса ва сиёсий маҳбусларни озод қилса», — дейилади ҳужжатда.
Изоҳ (0)