Эрон ғарбидаги Кирмоншоҳ вилоятида рўй берган кучли зилзила қурбонлари сони 407 кишига етди, 6,7 минг киши жабрланди. Бу ҳақда Эрон фавқулодда вазиятлар хизмати бошлиғининг ўринбосари Беҳном Сайёдий баёнот берди, деб хабар қилади «РИА Новости».
Муқаддам қурбонлари сони 370 кишидан ошгани, 2,5 мингдан ошиқ одам жабрлангани хабар қилинган эди.
Эрон президенти Ҳасан Руҳоний Ички ишлар вазирлигига зарар кўрган ҳудудлар аҳолисини барча зарур нарсалар билан таъминлаш ҳақида кўрсатма берди. Шунингдек, у табиий офат оқибатларини муҳокама қилиш бўйича йиғилиш ўтказди.
Зилзила Бағдоддан 204 километр шимоли-шарқда, Эроннинг Кирмоншоҳ шаҳридан эса 104 километр ғарбда юз берган. Ерости силкинишлари ўчоғи 10 километр чуқурликда бўлган. Зилзила магнитудаси эпицентрда 7,3 ни ташкил этган.
Изоҳ (0)