Фотогалерея: Йўловчилар йўқлигида стюардессалар нима билан шуғулланади?

TravelAsk Virgin Airlines компаниясининг стюардессаси Молли Чома бўш вақтида яратган ажойиб суратларни тўплаб тақдим этди.

Моллининг онаси стюардесса бўлган ва доим ёнида камера олиб юрган. Унинг қизига айнан шу хислат таъсир кўрсатган кўринади.

2008 йилда Молли график дизайнни ўрганган ва олий маълумотга эга бўлган.

Молли иш топишга қийналавергач, онаси унга стюардесса бўлиб ишлаб кўришни маслаҳат берган.

Молли дастлабки бир неча ой аэропортда «захира»да ўтириб, ўз рейсини кутган.

Вақтни тезроқ ўтказиш мақсадида у суратга олишни бошлаган.

Аэропорт ходимлари уни «камерали қизалоқ» дея атай бошлаган.

Сураткашлик унинг севимли машғулотига айланиб қолган ва Молли керакли кадрларни қидира бошлаган.

У суратга тушишни хоҳловчи жозибадор инсонларни қаердан топиш мумкинлигини ўйлашга тушган.

Шунда у ўзи ишлайдиган компаниянинг стюардессаларини суратга олиш мумкинлигини тушунган.

«Бу ажойиб машғулотга айланиб кетди», — дейди Молли.

Чома фақатгина Virgin Airlines ходимларини суратга олади, йўловчиларни эмас.