Ўзбекистон Республикаси президенти ҳузуридаги Стратегик ва минтақалараро тадқиқотлар институти директори, ҳуқуқшунослик фанлари номзоди, Фавқулодда ва Мухтор элчи Владимир Норов «Слово Киргизстана» газетасида мақола эълон қилди. Мақола матни институтнинг Facebook’даги саҳифасига жойланди. Унда Норов Ўзбекистон Президентининг Тожикистонга ташрифига тайёргарлик кўрилаётганини маълум қилди.
«Президент Шавкат Мирзиёев раҳбарлигидаги ўзбек дипломатияси мана бир йилдирки, фаоллик ва изчиллик билан барча чегарадош давлатлар билан яқин қўшничилик алоқаларини мустаҳкамлаш йўлини ҳаётга татбиқ этмоқда», — дейилади мақолада.
«Сўнгги ойларда Ўзбекистон раҳбари барча қўшни мамлакатлар раҳбарлари билан бир неча марта расмий, норасмий ва хизмат учрашувларини ўтказди. Туркманистон, Қозоғистон ва Қирғизистонга борди. Тожикистонга ташрифга тайёргарлик кўрилмоқда», — дея давом этди Норов.
Изоҳ (0)