Ўзбекистонлик футбол мутахассиси Алишер Никимбаев ЎФФ ўз регламентини бузмоқда, қабилидаги фикрларга жавоб берди. У билан кичик интервью «Championat.asia» нашрида чоп этилди.
Игорь Шквирин: ЎФФга кириб-чиқиш авваллари бемалол эди. Ҳозир милиция ҳеч кимни киритмас экан
ЎФФ ўз қарори билан регламентини бузяпти деган гаплар кўпайиб кетди. Эслатиб ўтмоқчиман, олдинги раҳбарият даврида ҳам регламент кўп ва хўп бузилган.Масалан, лицензиялаш регламентига кўра, Олий Лигада фақат лицензияга эга бўлган клублар ўйнаши мумкин. Бу қоида 2013 йилдан буён амал қилмоқда. Бироқ Осиё мамлакатлари лицензиялашдан асосан Осиё Чемпионлар Лигаси учунгина фойдаланади. Шундан келиб чиқиб, Саудиянинг «Ал-Иттиҳод» клуби бир неча мавсум ОЧЛда иштирок эта олмади, аммо ўз ички чемпионатида бемалол ўйнамоқда. Бу йил БААда ҳам шунга ўхшаш вазият содир бўлди: «Ал-Айн» ва «Ал-Аҳли» лицензия ололмади ва ОЧЛда қатнаша олмайдиган бўлди. Аммо ички чемпионатда муаммосиз иштирок этади.Алишер Никимбаев, футбол мутахассиси
Футбол журналистлари 12 талик лига таклиф қилгани рост. Бироқ ЎФФ ва ПФЛ умуман бошқа йўлдан юргани ҳам ҳақиқат
Никимбаевнинг қайд этишича, Япония ОЧЛдан ташқари ҳам ўз клубларини қатъий ички лицензиядан ўтказади. Яъни, улар бу ишни хўжа кўрсин учун қилмайди.ЎФФ лицензиясиз Олий Лигада ўйнаш мумкин эмас, деган қоидани жорий қилганди. Бироқ талабларни бажармаган клубларни жазолашни ўрнига, уларга лицензия бериб юбораверди. Ўтган йил «Обод» ва «Шўртан» лицензияга эга бўлганди. Биринчисини клуб деб аташ ҳам қийин эди, иккинчиси футболчи олдидаги қарздорлик натижасида ПФЛ томонидан 3 очкодан маҳрум қилинганди. Яъни, ПФЛ ўнг қўли билан регламентни бузган «Шўртан»ни жазолади. Чап қўли билан эса унга лицензия берди. Агар ЎФФ ўз регламентига қатъий амал қилганида, шу йилнинг ўзидаёқ Олий Лигада 14 та клуб қолган бўларди.Алишер Никимбаев, футбол мутахассиси
Изоҳ (0)