Ижтимоий тармоқларда Ўзбекистон Президенти Шавкат Мирзиёевнинг июнь ойида Фарғона вилоятига амалга оширган ташрифи чоғида ўтказилган фаоллар йиғилишидан аввал эълон қилинмаган видеопарча пайдо бўлди.
Тўлиқ видео
Унда Президент солиқ органлари фаолиятини кескин танқид қилаётгани, солиқчилар орасида ўз касбига нолойиқлар, аҳолига нисбатан адолатсизлик қилаётганлар учраши ҳақида фикр билдираётганини кўриш мумкин.
«Менга бундай солиқчилар керак эмас!», — дейди Шавкат Мирзиёев.
Нимага Парпиев (Давлат солиқ қўмитаси раиси)ни жўнацам, уч соат ичида бир тумандан 95 миллион сўм пул топилади? 95 миллион сўм пул! Қани бюджетнинг пули? Ҳаммаси чўнтакка кетяпти. Уч йил ҳам ишламасдан, тўрт қаватли уй қурасан ҳамманг, 20 та машина оласан. Қаердан булар? Ойликдан оласанми? Сал инсофли бўлгин! Ўғри бўл, инсофли бўл, сал.Шавкат Мирзиёев, Ўзбекистон Президенти
Президентнинг таъкидлашича, аввало садоқат ва адолат билан ишлаш, порахўрга айланмай, меҳнат қилиш керак.
Менга тажрибаси керак эмас. Ёш бўлса ҳам, давлат амалини олиб, садоқат билан ишласа бўлди. Тажриба керак эмас. Тажрибани ўзим ўргатаман. Менга садоқат керак. Тамом! Ўзини қийнайдиган, Фарғонани яхши кўрадиган одам керак.Шавкат Мирзиёев, Ўзбекистон Президенти
Изоҳ (0)