Ҳиндистонлик жарроҳлар руҳий хасталикка чалинган беморнинг ошқозонидан 600 дан ортиқ мих чиқариб олди, деб ёзади «ТАСС». Ноёб операция Калькуттадаги тиббиёт коллежларидан бирида ўтказилди.
Жарроҳ Сиддхарта Бисвас журналистларга айтиб беришича, беморнинг ошқозони шишиб кетган ва ҳар бири тахминан 2 см узунликдаги михлар билан тўла бўлган, шу туфайли шифокорлар ўта эҳтиёткорлик билан ҳаракат қилган. Ўткир буюмларни чиқариб олиш учун улар магнитдан фойдаланган. Операция қарийб бир кеча-кундуз давом этган.
«У ақлан беқарор ва ҳар хил нарсаларни ютиб юбориш одатига эга. Аммо унинг қорнидан шунча мих чиқишини тасаввур ҳам қилмагандик», — деди беморнинг қариндошларидан бири. Айни пайтда унинг аҳволи барқарор деб баҳоланмоқда.
Изоҳ (0)