Россия ФВВнинг Ил-76 самолёти Шпицберген ороли яқинида ғойиб бўлган Ми-8 вертолётини қидириш ишларига қўшилиш учун Норвегиянинг Свальбард аэропортига қўнди. Бу ҳақда «РИА Новости» хабар бермоқда.
Оператив гуруҳдан «Центроспас» отряди ва «Лидер» марказининг ғаввос-қутқарувчилари ўрин олди.
Ил-76 қидирув-қутқарув ҳудудига юқори технологияли жиҳозлар, жумладан, бир километргача чуқурликда қидирув ишлари учун мўлжалланган Falcon қурилмасини етказди. Қутқарувчилар компрессор, мотор қайиқлар ва сув остида ишлаш учун зарур ғаввослик жиҳозлари билан таъминланган.
Россиянинг Ми-8 вертолёти Шпицберген ороли яқинида 26 октябрда ҳалокатга учради. Унинг бортида саккиз киши, жумладан, Арктика ва Антарктика илмий-текшириш институтининг уч ходими бўлган.
Изоҳ (0)