Санкт-Петербургда такси йўловчиси ҳайдовчининг пешонасига ўқ узди. Ўқ такси ҳайдовчиси бўлган 26 ёшли Ўзбекистон фуқаросининг бошини тешиб ўтди, деб хабар беради «УралИнформБюро».
Воқеа 25 октябрь куни рўй берди. Киракаш икки маҳаллий йигитни манзилига элтиб қўйди. Машина тўхтаганида, ҳайдовчи қарсиллаган овоз эшитди ва бошида оғриқ сезди. Шундан сўнг у машинани тарк этди. Жабрланувчига воқеа рўй берган «Пятиречье» боғдорчилик хўжалиги қоровули ёрдам берди.
Йигит 26-сонли шаҳар шифохонасида операция қилинди. Ўқ йигитнинг гарданидан кириб, чап чаккасидан чиқиб кетгани аниқланди.
Кейинроқ ҳуқуқ-тартибот идоралари ходимлари «Луч» боғдорчилик хўжалиги ҳудудида ариқ бўйида ташлаб кетилган машинани топиб, унинг ичида қон изларини қайд қилди. Салонда икки резинали ўқ ва тўрт гильза топилди.
Соғлиққа қасддан оғир зарар етказиш факти бўйича жиноий иш қўзғатилди. Айни пайтда такси чақирган эркак қидирилмоқда. Илгари у одамни уриб кетишда айбланиб жавобгарликка тортилгани маълум.
Изоҳ (0)