Пентагон: Сурия ва Ироқда 6,5 минг ИШИД жангариси қолмоқда

Сурия ва Ироқдаги ИШИД жангарилари сони 6,5 минг киши атрофида эканлиги тахмин қилинади. Бу ҳақда АҚШ бошчилигидаги коалиция матбуот котиби Райан Диллон маълум қилди, дея хабар беради «Газета.ru».

«Биз Сурия ва Ироқдаги ИШИДга қарши кураш кетаётган ҳудудларда душман тузилмалари сони 6,5 минг жангаридан иборат деб баҳолаймиз», — деди Диллон.

Матбуот котибига кўра, яқинда таслим бўлганларини ҳам ҳисобга олганда, Раққада қолаётган жангарилар сони 100 кишини ташкил этмоқда.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.