ЖЧ—2018 учун саралаш босқичини ўз гуруҳида 2-ўринда якунлаган мамлакатлар плей-оффдаги рақибларини билиб олди.
ЖЧ—2018. Италия, Хорватия, Дания ва Швейцария плей-оффда бир-бирига рақиб бўлмайди
Қуръа ташлаш маросими ФИФАнинг янги рейтингидан кейин — 17 октябрь куни бўлиб ўтди. Унда Италия ЖЧ йўлида Швеция қаршилигини синдириши кераклиги маълум бўлди. Хорватларга Греция рақиб бўлди. Португалия билан тенг кураш олиб борган Швейцария эндиликда Шимолий Ирландия билан ўйнайди. Дания эса Ирландияга қарши ҳисоб-китоб қилади.Плей-оффнинг илк учрашувлари 9—11 ноябрь кунлари бўлиб ўтади. Жавоб учрашувлари эса 12—14 ноябрь саналарига тайин қилинган.
ЖЧ—2018 да иштирок этиши аниқ бўлган мамлакатлар:Россия, Бразилия, Эрон, Япония, Мексика, Бельгия, Жанубий Корея, Саудия, Германия, Англия, Испания, Нигерия, Коста-Рика, Миср, Польша, Исландия, Сербия, Португалия, Франция, Уругвай, Аргентина, Колумбия, Панама.
Изоҳ (0)