Россиялик актёр Дмитрий Маряновнинг ўлими юзасидан жиноят иши қўзғатилди

Россиялик актёр Дмитрий Маряновнинг ўлими юзасидан жиноят иши қўзғатилди. Бу ҳақда Россия тергов қўмитаси тергов бошқармасининг маълумотларига асосланиб, «ТАСС» хабар бермоқда.

«Актёрнинг ўлими юзасидан ‘Эҳтиётсизлик оқибатида инсон ўлимига сабаб бўлиш’ моддаси бўйича жиноий иш қўзғатиш ҳақида қарор қабул қилинди. Тез тиббий ёрдам кўрсатиш сифати ва тезкорлиги баҳоланади, содир бўлган ҳодиса ҳар томонлама, чуқур ўрганилади», — дейилади хабарда.

Қайд этилишича, ҳозирги пайтда жиноят иши бўйича гумондор ва айбланувчилар йўқ, ҳолат юзасидан суриштирув ишлари олиб борилмоқда.