Кеча — 16 октябрь куни ФИФА терма жамоаларнинг янги рейтингини эълон қилди. Бугун — 17 октябрь куни ЖЧ—2018 саралаш босқичида гуруҳларни 2-ўринда якунлаган термалар плей-оффдаги рақибларини билиб олади.
Европа саралашида иккинчи бўлган мамлакатлар плей-оффда ўйнайди. Словакия ЖЧ—2018 билан хайрлашди
Европа саралашида иккинчи бўлган Словакия термаси ҳаммадан камроқ очко тўплагани учун, Россия мундиалидан четда қолганди. Қолган 8 мамлакат саватларга бўлиб чиқилади. Регламентга кўра, ФИФА рейтингидаги дастлабки тўрт мамлакат сараланганлар саватида бўлади, кейинги 4 таси бошқа саватда.ФИФА рейтингига кўра, Швейцария термаси 11, Италия 15, Хорватия 18 ва Дания 19-ўринда қайд этилган. Демак, саккиз мамлакат орасида мана шу 4 тасида натижалар яхшироқ. Улар плей-оффда бир-бирига рақиб бўлмайди.
23-ўриндаги Шимолий Ирландия, 25 даги Швеция, 26 даги Ирландия ва 47 даги Греция юқоридаги мамлакатлар билан рақиб бўлади.
Плей-оффнинг илк учрашувлари 9—11 ноябрь кунлари бўлиб ўтади. Жавоб учрашувлари эса 12—14 ноябрь саналарига тайин қилинган.
ЖЧ—2018 да иштирок этиши аниқ бўлган мамлакатлар:Россия, Бразилия, Эрон, Япония, Мексика, Бельгия, Жанубий Корея, Саудия, Германия, Англия, Испания, Нигерия, Коста-Рика, Миср, Польша, Исландия, Сербия, Португалия, Франция, Уругвай, Аргентина, Колумбия, Панама.
Изоҳ (0)