Виртуал футбол Европада ўз ўрнига эга бўлиб улгурди. Айтайлик, кучли бешлик миллий чемпионатларини кузатиб борувчилар, уларда тўп сурадиган футболчилар ҳақида яхши тасаввурга эга. Демак, виртуал жамоа тузиб, 1 та лигада ўзаро рақобатлашиш мумкин.
www.eplmanager.com ўзбекистонлик футбол мухлисларига шундай имконият яратиб беради. Сиз Англия чемпионати ҳақида тасаввурга эгамисиз? У ҳолда жонли футболчилардан ўз жамоангизни тузинг ва виртуал футбол лигасида иштирок этинг. Номи виртуал бўлгани билан, бунда сиз севган футболчиларнинг реал ҳаётдаги ҳаракатлари айнан сизга очко келтиради. Шунчаки, қайси футболчи навбатдаги турда ўзини кўрсата олишини олдиндан тахмин қилинг ва Galaxy Note 8, iPhone 8 ёки Galaxy S8 смартфонларидан бирини ютиб олинг.
Ҳа, айтганча, бутун бир мавсум учун вақтингизни олиб ўтирмаймиз. 20 октябрдан старт оладиган 8-8-8 league’га қўшилинг. АПЛ 9-туридан то 19-турига қадар шундай футболчиларни танлангки, рақобатчиларингиз олдингизга туша олмасин. Чиндан ҳам шундай бўлса, ваъда қилинган смартфон 10 та турдан кейин сизники.
Қандай ўйнайман?
Биринчи навбатда www.eplmanager.com сайтига ташриф буюринг ва рўйхатдан ўтинг. Агар сиз ҳаммасига қўлингиздаги телефон ёрдамида эришишни истасангиз — муаммо йўқ: https://eplmanager.com/mobile ҳаволасидан виртуал футболнинг мобил иловасини кўчириб олинг.
Энди сиз АПЛ мураббийисиз. Жозе Моуриньо, Юрген Клопп, Арсен Венгер ёки Антонио Конте ўз футболчилари билан овора бўлаверсин. Сиз эса уларнинг ҳар биридан термангиз учун футболчи жалб қилинг. Буёғи худди трансфер ойнасига ўхшайди.
Яъни, сиз 15 нафар футболчи харид қилишингиз шарт: 11 асосий ва 4 захира. Биз эса сизга 100 сўм пул берамиз. Ақлни шундай ишлатингки, бу пулга 15 футболчи сотиб олишнинг иложи бўлсин. Унутманг, реал ҳаётда юлдуз футболчилар қанчалик қиммат бўлса, бизнинг футболда ҳам шундай. Аммо АПЛда фақатгина юлдузлар ҳаммасини бажармайди. Масалан, «Уотфорд»нинг арзон футболчиси «Арсенал»га гол уряпти. Айтайлик, сиз Лукакуни сотиб олдингиз, бироқ Мората омадлироқ кетяпти. Келаси турда уларни алмаштириш учун имкониятингиз бор. Биз ҳар турда 3 тадан футболчи ўзгартиришингиз учун имкон берамиз.
Сиз сотиб олган 15 футболчингизни энди реал ҳаётда кузатинг. Уларнинг урган голи, голли паси, ўйнаган дақиқаси-ю, фойдали ишлари алоҳида-алоҳида очко келтиради. Борди-ю, танлаган футболчингиз сизни уялтириб, сариқ ёки қизил карточка олса, пенальтидан гол уролмаса, бу сизга акс таъсир этади. Буниси энди реал ҳаётдагидан ҳам қизиқ. Энди сиз нафақат АПЛдаги севимли клубингизга, балки ўз қўл остингиздаги ҳар бир футболчининг муваффақияти учун мухлислик қила бошлайсиз.
Яна нимани билишим керак?
Дедлайн. Бу сиз учун сўнгги сониядек гап. АПЛда турнинг биринчи ўйини бошланишидан 1 соат олдин, трасферингиз ёпилади. Мана шу вақт дедлайндир. Сиз ўша биринчи учрашувга 1 соат қолгунига қадар исталган вақтда янги таркибни шай қилиб қўйинг, олам гулистон.Сизга «Юнайтед» ёқадими ёки «Арсенал»? Яхши! Аммо унутмангки, ўз жамоангизга битта клубдан 3 дан ортиқ футболчи ололмайсиз. Қулочни кенгайтиринг, «Ньюкасл»дан тортиб, «Ливерпуль»гача, ҳатто «Суонси» етакчиларини ҳам синаб кўринг. Шундай вақтлар бўладики, улар юлдузлардан-да кўпроқ очко келтиради.
Умуман иложи йўқми, дейсизми? Сиз учун топамиз. Пуллик хизматни ёқиб, бир клубдан 4 футболчи олишингиз мумкин, ундан ортиқ эмас. Бу максимум. Ўйин шуниси билан қизиқ.
Изоҳ (0)