Эрон АҚШ ядровий келишувдан чиқишига мўлжаллаб режа ишлаб чиқди

Эрон махсус режа ишлаб чиқди. АҚШ ядровий дастур бўйича келишувдан чиққан тақдирда Эрон шу режага мурожаат қилади. Бу ҳақда Эрон парламенти спикери Али Ларижоний баёнот берди, деб хабар қилади «РИА Новости».

«Яқинда парламентда АҚШ қўядиган қадамларга қараб ишга тушириладиган режани ишлаб чиқдик ва қабул қилдик», — деди у.

Унинг сўзларига қараганда, агар Вашингтон ядровий келишувдан чиқса, бундан қаттиқ пушаймон бўлади.

Ларижоний режа воқеаларнинг ҳар хил ривожини назарда тутишини айтиб ўтди.