Калифорниядаги ўрмон ёнғинларида ҳалок бўлганлар сони 40 кишига етди

АҚШнинг Калифорния штатида авж олган ўрмон ёнғинлари оқибатида қурбон бўлган сони 40 кишига етди. Бу ҳақда «Газета.ru» хабар бермоқда.

Олдинроқ 31 киши ҳалок бўлгани маълум қилинган эди.

Мутасадди ходимлар ҳаво намлигининг пастлиги, шунингдек, кучли шамол туфайли ёнғинлар давом этиши мумкинлигидан огоҳлантирди.

Калифорнияда айни пайтда охирги 84 йил ичидаги энг йирик ўрмон ёнғини давом этмоқда. Шунингдек, у штат тарихида энг кўп қурбонларга сабаб бўлган ёнғин бўлди.