Жаҳоннинг энг бефойда аэропорти мунтазам рейсларни қабул қила бошлайди

Авлиё Елена оролида жойлашган, «жаҳоннинг энг бефойда аэропорти» деб аталадиган ҳаво қўналғаси биринчи мунтазам рейсни қабул қилди. Бу ҳақда «Afisha Daily» хабар бермоқда.

Аэропорт ЖАРнинг SA Airlines авиакомпаниясига тегишли, Йоханнесбургдан келган самолётни қабул қилди. Унинг бортида 78 йўловчи бор эди. Эндиликда бу рейс ҳар ҳафта амалга оширилиши кутилмоқда.

«Бефойдалик» билан боғлиқ мақомни аэропорт Буюк Британия ҳукумати томонидан 370 миллион долларга қурилиб, бир йил ўтганидан сўнг — 2017 йил майида биринчи рейсни қабул қилгани боис олган эди.