Шавкат Мирзиёев Вьетнам президентига мамлакатдаги тошқинлар сабаб ҳамдардлик билдирди
Ўзбекистон Президенти Шавкат Мирзиёев Вьетнамдаги вайронкор тошқинлар муносабати билан президент Чан Дай Куангга ҳамдардлик билдирди. Бу ҳақда Ўзбекистон Президенти матбуот хизмати хабар бермоқда.
«Ўзбекистон Президенти Шавкат Мирзиёев Вьетнамнинг шимолий ва марказий минтақаларида вайронкор тошқин юз бериб, кўплаб инсонлар қурбон бўлгани муносабати билан Вьетнам президенти Чан Дай Куангга таъзия изҳор этди», — дейилади расмий ахборотда.
Вьетнамнинг марказий ва шимолий қисмида ўтган ҳафтада кучли сув тошқинлари бошланган эди. Сўнгги маълумотларга кўра, тошқинлар оқибатида 54 киши ҳалок бўлган, 39 бедарак йўқолган.
Табиий офат Вьетнамнинг еттита провинциясида кузатилмоқда. 34 мингга яқин уйлар сув остига ғарқ бўлган, 22 минг гектар қишлоқ хўжалиги экинлари зарарланган.
