Олий Мажлис Қонунчилик палатасининг бир гуруҳ депутатлари томонидан «Кўп квартирали уйларда турар жойлардан, умумий мулкдан фойдаланиш ва уларни сақлаш тартиби тўғрисида»ги қонун лойиҳаси ишлаб чиқилди. Бу ҳақда Қонунчилик палатаси матбуот хизмати хабар бермоқда.
Саноат, қурилиш ва савдо масалалари қўмитасининг 12 октябрь, пайшанба куни бўлиб ўтган йиғилишида мазкур янги қонун лойиҳаси депутатлар, соҳа мутасаддилари, мутахассислар ҳамда экспертлар иштирокида муҳокама қилинди.
Қонун лойиҳасида кўп квартирали уйларда умумий мулкни техник ва санитар сақлаш, жорий ва мукаммал таъмирлаш, ҳудудни ободонлаштириш, ҳовли атрофини кўкаламзорлаштириш масалалари кўзда тутилган.
Шунингдек, болалар майдончасига хавфсиз ва замонавий конструкциялар ўрнатиш, инженер-муҳандислик тизимлари сақланувчанлигини таъминлаш, санитар-эпидемиологик ва техник талаблар ҳамда ёнғин хавфсизлигига риоя этиш, хонадон ичида таъмирлаш ишларини бажариш тартиблари ҳам эътиборга олинган.
Изоҳ (0)