БМТнинг таълим, фан ва маданият ташкилоти (ЮНЕСКО) АҚШ ундан чиқиш қарорига келганидан афсусдалигини билдирди. Бу ҳақда ташкилот бош директори Ирина Бокова баёнот берди, деб хабар қилади «ТАСС».
«АҚШ ЮНЕСКОни тарк этиш қарорига келганидан чуқур афсусдамиз», — дейилади ташкилот тарқатган коммюникеда.
Ҳужжатда айтилишича, ЮНЕСКО раҳбари бу борадаги расмий огоҳлантиришни АҚШ бош котиби Рекс Тиллерсондан олган.
«2011 йили, АҚШ аъзолик бадалини тўлашни тўхтатганида, ЮНЕСКО ҳеч қачон АҚШ учун муҳим эмаслигига аминлигимни айтган эдим, ва АҚШ ҳам ЮНЕСКО учун у қадар муҳим эмас», — қайд қилинади Бокованинг баёнотида.
«Бугун, экстремизм ва террорчилик ўсиши тинчлик ва хавфсизликни ўрнатишда, шунингдек, ирқчилик ва антисемитизмга, дискриминацияга қарши курашда янги узоқ истиқболли чоралар кўришни талаб этаётган пайтда бу айниқса долзарбдир», — хулоса қилди маданий ташкилот раҳбари.
Илгари хабар қилинганидек, АҚШ ташкилотдан чиқишининг сабаблари қаторида ЮНЕСКОнинг қарзлари кўпайиб кетганини, шунингдек, у ерда «Исроилга қарши нохолислик» ҳукм суришини келтирган эди.
Изоҳ (0)