Фаластиннинг «Фатҳ» ва «ҲАМАС» ташкилотлари Қоҳирада сулҳ шартномасини имзолади. Бу ҳақда, Al Jazeera телеканалига асосланиб, «ТАСС» хабар бермоқда.
Ҳужжат икки фракция ўртасида Миср разведкаси вакиллари иштирокида имзоланди.
Келишувга биноан, миллий ярашув ҳукумати Фаластин ҳудудларида — Иордан дарёсининг ғарбий соҳили ва Ғазо секторида 1 декабрга қадар ваколатни тўлиқ ўз зиммасига олади. Бундан ташқари, томонлар Миср ва Ғазо чегарасидаги Рафах чегара терминалини Ғарбий соҳилдаги Фаластин маъмуриятига бўйсунадиган президент гвардиясига топширишга келишиб олди.
2007 йил июлида «ҲАМАС» Ғазо секторини куч билан эгаллаганидан сўнг Фаластин озодлик ҳаракатида бўлиниш юз берган эди. Шундан буён соҳилбўйи анклав исломий ҳаракат назорати остида, Ғарбий соҳил эса жаҳон ҳамжамияти тан оладиган Маҳмуд Аббос маъмурияти томонидан бошқариб келинмоқда. Шундан буён биринчи марта томонлар ярашувга келди.
Изоҳ (0)