10 октябрнинг эътиборга молик янгиликлари — «Дарё»нинг кечки дайжестида.
1. Шавкат Мирзиёев МДҲ саммитида иштирок этиш учун Сочига етиб келди. Шунингдек, давлат раҳбари «Ўзбекистон Конституциясига 25 йил» эсдалик нишонини таъсис этиш тўғрисида фармон имзолади.
2. Бугун Равшан Эрматов Австралия — Сурия ўйини ғолибини аниқлаб беради. Тошкент вақти билан 14:00 да бошланган учрашувнинг сўнгги дақиқаларида Равшан Эрматов ён ҳакам вазифасини бажарди.
3. Владимирдаги ЙТҲ қурбони бўлган 16-ўзбекистонликнинг шахси аниқланди. Аҳволи оғир бўлган беш ёшли Гулруҳ эса вертолётда Москвага кўчирилиши мумкин.
4. Жасур Иброҳимов иши: суд-тиббиёт эксперти марҳум 3 май куни олган жароҳати оқибатида вафот этганини маълум қилди. Ўсмирнинг ўлимига ўн икки бармоқли ичакнинг ёрилиши, ички органлар гематомаси, кўп сонли жароҳатлар, бошдаги ёпиқ жароҳат ва мия чайқалиши сабаб бўлган.
5. Тошкент аэропортида 2,5 кг тилла тақинчоқларни ноқонуний тарзда олиб ўтишга уринган аёл қўлга олинди. Аёл 254 жуфт зирак, 253 дона узук, 26 дона кулон, 19 дона занжир ва 3 дона билагузукларни республикага яширинча олиб киришга уринган.
Изоҳ (0)