Пентагон вакили суриялик генерал томонидан АҚШнинг ИШИД ва «Жабҳат ан-Нусра»га қурол етказиб берилиши ҳақидаги айбловлари ҳақиқатга мос келмаслигини таъкидлаб ўтди. Бу ҳақда «РИА Новости» хабар бермоқда.
Олдинроқ Сурия армияси бош оператив бошқармаси бошлиғи дивизия генерали Али ал-Али Вашингтон Сурияда мухолифатга эмас, террорчиларга қурол етказиб бераётгани ҳақида баёнот билан чиққан эди.
«Дамашқ АҚШ 5 июндан 15 сентябрга қадар Сурияда террорчиларга 1412 юк машинасида ҳарбий мулк ва қурол етказиб берганини билади», — деган эди у.
Унинг фикрича, бу қурол ИШИД ва «Жабҳат ан-Нусра» қўлига етиб борган.
«Бу баёнотлар мутлақо бемаъни ва ҳақиқатга мос эмас. Улар Россия ва Сурия режимининг пропаганда кампаниясидан бошқа нарса эмас. АҚШ Сурия ҳудудида террорчиликка қарши кураш мақсадида ишламоқда», — таъкидлади Пентагон вакили «РИА Новости» мухбири билан суҳбатда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.