Трамп ҳарбийлар билан бўлиб ўтган йиғиндан сўнг, «бўрондан олдинги сокинлик ҳақида» эълон қилди

АҚШ президенти Дональд Трамп Америка ҳарбий қўмондонлари ва уларнинг турмуш ўртоқлари билан Оқ уйда бўлиб ўтган йиғиндан сўнг, «сирли» баёнот берди. Бу ҳақда Politico нашрига таяниб, «РБК» хабар қилди.

«Балки бу бўрондан олдинги сокинликдир», — деди Америка раҳбари.

Ушбу йиғинда айнан қайси масала муҳокама қилингани номаълум. Бироқ нашрнинг таъкидлашича, айни вақтда Трамп Эрон ядровий келишувни бекор қилиш керакми ёки йўқ, шуни ҳал қилмоқда.

Reuters’нинг маълум қилишича, америкалик ҳарбий амалдорлар билан бўлиб ўтган учрашувдан сўнг, Трамп Теҳрон шартнома «моҳияти»ни яна бир бузаётганини қайд этган. «Эроннинг ядровий қуролга эга бўлишига йўл қўймаслигимиз керак», — деди Трамп.

Бундан ташқари, CNBC News’нинг қўшимча қилишича, Трамп маъмурияти «Шимолий Кореянинг ядровий қуролсизлантирилишини талаб қилмоқда». «Биз Пхеньян Қўшма Штатларга ва унинг иттифоқдошларига таҳдид солмаслиги учун қилишимиз керак бўлган барча ишни қиламиз», — дея таъкидлаган президент.

Шу билан бирга, АҚШ президенти Оқ уйда ҳарбий амалдорлар билан учрашгунга қадар, Афғонистон ва ИШИД террорчилик ташкилотини ҳам эслаб ўтган.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.