Туркияда биткоин учун содир этилган биринчи қотиллик қайд қилинди

Туркия ҳуқуқ-тартибот идоралари вакиллари мамлакат ҳудудида биткоин криптовалютаси учун биринчи қотилликни содир этганликда гумонланаётган тўрт кишин ҳибсга олди. Бу ҳақда «ТАСС» хабар бермоқда.

Айтилишича, уч кун муқаддам 22 ёшли Шукри Март Эрсойнинг танаси Анталья вилояти Серик туманида машина ичида топилган. Тергов қотиллар қурбоннинг телефони блокини унинг бармоқ излари ёрдамида очиб, ускунадаги биткоин тизимига киришга уринганини аниқлади. Аммо улар бунинг уддасидан чиқа олмаган.

Ҳозирда тергов ишлари давом этмоқда.