Саудиялик аёлларга авиадиспетчер бўлиб ишлаш рухсат этилди

Саудия Арабистонида қироллик тарихида биринчи марта аёлларга авиадиспетчер бўлиб ишлаш рухсат этилди. Бу ҳақда 18 сентябрь куни Arabian Business маълум қилди.

Айтилишича, Saudi Air Navigation Services компанияси аёллар фуқаро авиацияси давлат академиясида бир йиллик тайёргарликдан ўтганидан сўнг уларни ишга қабул қилишга тайёр.

Компания вакиллари бу режа Vision 2030 миллий дастурининг бир қисми эканлигини уқтирмоқда. Ушбу дастур иқтисодиётни диверсификация қилишни, қироллик табаалари учун иш ўринларини кўпайтиришни назарда тутади.