Маҳалла манфаатлари кўзланган даъволар давлат божидан озод этилди

Солиқ кодексининг 329 ва 330-моддаларига қўшимчалар киритилди, деб ёзмоқда Norma.

Хабар берислишича, Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши ҳамда тегишли ҳудудий кенгашлар умумий юрисдиксия судлари ва иқтисодий судларга давлат божи тўлашдан озод этилади.

Мазкур имтиёз фуқароларнинг ўзини ўзи бошқариш органлари манфаатлари кўзланган даъволарга нисбатан татбиқ этилади ва давлат ва хўжалик бошқаруви органлари, маҳаллий давлат ҳокимияти органларининг қарорлари, уларнинг мансабдор шахслари хатти-ҳаракатлари (ҳаракатсизлиги) устидан судга шикоят берилганда амал қилади.