Ўзбекистон Президенти Шавкат Мирзиёев Гурбангули Бердимуҳамедовнинг таклифига биноан 2017 йил 17 сентябрь куни Туркманистонга ташриф буюради. Бу ҳақда ЎзА хабар бермоқда.
У Ашхобод шаҳрида ўтказиладиган Ёпиқ иншоотларда ва жанг санъатлари бўйича V Осиё ўйинларининг очилиш маросимида иштирок этади.
Ташриф доирасида Шавкат Мирзиёев қатор давлатлар раҳбарлари билан икки томонлама учрашувлар ҳам ўтказади.
Ёпиқ иншоотларда ва жанг санъатлари бўйича V Осиё ўйинлари 17–27 сентябрь кунлари бўлиб ўтади. Жисмоний тарбия ва спорт давлат қўмитаси раиси ўринбосари Фарҳод Турдиевга кўра, мусобақада Ўзбекистон шарафини 189 спортчи ҳимоя қилади.
Изоҳ (0)