Таиландда собиқ бош вазирнинг масъулиятсизлиги бўйича иш ёпилди

Таиланд миллий аксилкоррупцион комиссияси собиқ бош вазир Йинглак Чинават ушбу лавозимда бўлганида маъсулиятсизликка йўл қўйгани ҳақидаги суриштирувни тўхтатди. Бу ҳақда комиссия раҳбари Ватчарапоном Прасанратакитом маълум қилди, деб хабар беради «ТАСС».

2011 йили рўй берган тошқинда бош вазир керакли чораларни кўрмаганликда айбланиб келади.

Чинават масъулиятсизликка йўл қўйгани учун Таиланднинг 77 провинциясидан 65 таси тошқин авж олгани, қироллик иқтисодиётига эса 1 миллиард доллар миқдорида зарар келтирилгани даъво қилинган эди.

«Комиссия тошқин оқибатлари учун кимнидир жавобгар ҳисоблаш учун асос топмади», — маълум қилди Прасанратакитом.