Жанубий Корея президенти Мун Чжэ Ин КХДРдан АҚШ—Жанубий Корея ҳарбий машғулотлари ўтказилишидан фитналар ва минтақада кескинликни кучайтириш учун фойдаланишдан тийилишни талаб этди. Бу ҳақда «Интерфакс» хабар бермоқда.
«Ulchi Freedom Guardian машғулотлари мудофаа кўринишига эга ва ҳар йили ўтказилб келинади. Бизда Корея ярим оролидаги вазиятни мураккаблаштириш нияти умуман йўқ. Пхеньян Жанубий Корея ва Қўшма Штатларнинг ҳамкорликдаги мудофаа машғулотларини айнан Шимол томонидан амалга оширилаётган тинимсиз фитналар туфайли ўтказилаётганини тушуниши ва бундан вазиятни ёмонлаштириш учун баҳона сифатида фойдаланмаслиги лозим», — деди Мун Чжэ Ин.
Жанубий Корея бирлашиш ишлари вазирлиги ҳам КХДРга шундай чақириқ билан мурожаат қилди ва «фитналарни тўхтатиб, имкон борича тезроқ музокаралар столига ўтириш»ни таклиф этди.
Изоҳ (0)