Telegram’да 50 минг сўмлик даста пулларнинг суратлари пайдо бўлди (видео)

Ўзбекистонда 22 августдан 50 минг сўмлик купюралар муомалага чиқарилади, мазкур сана арафасида эса Telegram’да 50 минг сўмлик даста пулларнинг суратлари пайдо бўлди.

Аввалроқ хабар берилганидек, Ўзбекистон Марказий банки 50 минг сўмлик купюраларни, энг асосан, нақд пулни ишлатиш билан боғлиқ ноқулайликларни камайтириш ҳамда банкоматлар орқали кўрсатиладиган хизматлар кўламини кенгайтириш мақсадида чиқарган.

Марказий банкнинг алоҳида таъкидлашича, 50 минг сўмликнинг чиқарилиши нархларга таъсир қилмайди ва инфляцияга сабаб бўлмайди.