Ўзбекистон ТИВ делегацияси Қозоғистон ташқи ишлар вазири билан учрашди

Остона шаҳрида амалий ташриф билан бўлиб турган Ўзбекистон ТИВ делегацияси Қозоғистон Республикаси ташқи ишлар вазири Қайрат Абдрахманов билан учрашди. Бу ҳақда вазирлик матбуот хизмати маълум қилди.

Икки томон муносабатларининг долзарб масалалари ҳамда айрим минтақавий мавзулар муҳокама қилинди.

Делегация вакиллари Остона шаҳрида Ўзбекистон элчихонасининг янги биносини қуриш ишларини бошлашни тезлаштириш бўйича ўтказилган музокаралар якунлари ҳақидаги таассуротлари билан ўртоқлашди.

Ўзбекистон Республикаси Ташқи ишлар вазири Абдулазиз Комилов топшириғига биноан Қайрат Абдрахмановга 2017 йил ноябрь ойида Самарқанд шаҳрида ўтказилиши режалаштирилаётган Марказий Осиёда хавфсизлик ва барқарор тараққиётни таъминлаш бўйича халқаро конференцияга расмий таклифнома топширилди.