Қозоғистон Сладкое кўлини Россиядан ўз таркибига қабул қилиб олганини тасдиқламади

Қозоғистон ТИВ матбуот котиби Анвар Жайнақов Сладкое кўли мамлакат таркибига қўшиб олинмаганини билдириб ўтди. Бу ҳақда «Газета.ru» хабар бермоқда.

Муқаддам Россия Қозоғистонга чегарадаги Сладкое кўлини бутунлай ўтказиб бергани хабар қилинган эди. Аммо ушбу маълумот тасдиғини топмади.

«Россия Қозоғистонга кўл совға қилгани ҳақида гапириш тўғри эмас, негаки кўлнинг бир қисми аввал бошидан Қозоғистон таркибидадир», — қайд қилиб ўтди у.

Унинг сўзларига қараганда, чегара чизиғи 2005 йил 18 январдаги делимитация келишуви асосида ўрнатилган.

«Бу участкада ҳеч қандай ўзгариш бўлмади», — хулоса қилди Жайнақов.