ОАВ: АҚШ ва Жанубий Корея 30 августда Вашингтонда КХДР муаммосини муҳокама қилади
АҚШ ва Жанубий Корея мудофаа вазирлари Жеймс Мэттис ва Сон Ён Му 30 август куни Вашингтонда музокаралар ўтказади. Учрашув якунлари бўйича КХДР ракета-ядро муаммоси бўйича қўшма баёнот эълон қилинади, дея хабар беради «ТАСС».
KBS телеканалига кўра, умумий хавфсизлик масалалари бўйича АҚШ—Жанубий Корея маслаҳатлашувлари дастлабки режага асосан шу йил октябрь ойида ўтказилиши керак эди. Бироқ Шимолий Корея салоҳияти ва ракета-ядро таҳдиди ортиб бораётганини инобатга олиб, вазирлар учрашувини эртароқ ўтказишга қарор қилинди.
Жеймс Мэттис ва Сон Ён Му Шимолий Кореяга қарши санкцияларнинг амалга оширилиши, THAAD ракетага қарши тизимларининг жойлаштирилиши, Жанубий Корея баллистик ракеталарини модернизация қилиш ва Сеулга ҳарбий ҳаракатлар вақтида ўз қўшинлари устидан оператив назорат ҳуқуқи берилишини муҳокама этиши кутилмоқда.
