Макрон таътил пайтида уни кузатган сураткашни судга берди

Франция президенти Эмманюэль Макрон таътил пайтида рафиқаси билан дам олган виллага киришга уринган сураткашни судга берди. Бу ҳақда «РИА Новости» хабар бермоқда.

Ўтган ҳафта Макрон таътилга чиққан эди. Франция расмийлари хавфсизликни сақлаш мақсадида у қаерда дам олаётганини ошкор этмади. Президент мамлакатни тарк этмаслиги ва зарур бўлганда офисга жуда тез қайтиши мумкинлиги билдирилган эди.

Аммо исми келтирилмаган сураткаш Макрон дам олаётган ҳудудга киришга уринди. У давлат раҳбари ёзги таътилни Марсель шаҳрида ўтказаётганини аниқлади.