Ва ниҳоят iPhone 8 чиқди!
Агар сиз ўтган ҳафта янгиликларини унчалик диққат билан кузатмаган бўлсангиз, бунга ишонганингизни кечириш мумкин. Ўтган пайшанба куни MacRumors портали янги Apple (NASDAQ: AAPL) смартфонининг ишончли макети намойиш этилган видеони тақдим этди, деб ёзади InsiderPro нашри.
«Бу кутилаётган смартфонга жуда ўхшаш. Барча ошкор бўлган маълумотлар бу дизайн мутлақо тўғри тақдим этилганлигини кўрсатади», — дейди видеони жойлаштирган Денни Уингет.
Flagman тахминан уч хил вариантда — мис-тилла ранг, кумуш ва қора рангларда тақдим этилади. Бироқ ранг асосийси эмас. Қуйида янги iPhone’нинг энг яхши бешта функцияси (кутилаётган) билан танишишингиз мумкин.
- Диагонали 5,8 дйюмдан иборат экран
Рамкасиз экран смартфон аввалги ўлчамларини сақлаб қолган ҳолда катта фойдали майдонга эга бўлишини англатади. 5,8 дйюм диагонал билан iPhone 8 ундан аввалги диагонали 4,7 дйюм смартфондан бироз каттароқ бўлади, холос. OLED технологияси туфайли рамкаларни минимум даражагача қисқартиришга эришилди, бу эса смартфонга такрорланмас кўриниш бағишлайди.
- Эски LCD ўрнига OLED-дисплей
Apple ўз iPhone’ларида энг яхши LCD-дисплейлардан фойдаланади, бироқ уларнинг энг яхшиси ҳам OLED билан тенглаша олмайди. Буни iPhone 7 Plus (LCD) ва Google Pixel XL (OLED) ни таққослаш орқали текшириб кўриш мумкин. Кейинги смартфоннинг экрани кўз учун кўпроқ ёқимли. Бундан ташқари, OLED технологиялари LCD’дан анча устун: улар экранларни букик, ҳатто эгилувчан қилиш имконини беради.
- Fаcе ID юзни таниш технологияси
Қурилмани юзни таниш орқали блокировкадан чиқариш технологияси шубҳасиз қулай: у гаджетни тез ва қўллар ёрдамисиз очиш имконини беради. Агар iPhone 8 да бу функция ҳеч қандай камчиликсиз амалга оширилса, бу ҳақиқий топилма бўлади.
- Нафис дизайн
iPhone 8 нинг шишадан ишланган олд ва орқа панели зангламайдиган пўлатдан ишланган сайқалланган рамкага солинган. Бу жуда чиройли чиқса керак, бироқ бундай дизайн учун бироз қўшимча ҳақ тўлаш керак бўлади.
- Камера
Тарқалган маълумотларга кўра, iPhone 8 даги янги камера сониясига 60 та кадр тезлик билан 4K шаклдаги видео олишга қодир. Бироқ бу ҳам смартфоннинг ягона янгилиги эмас.
Изоҳ (0)