Ташқи меҳнат миграцияси масалалари агентлигининг турли мамлакатлар, жумладан, Россия ва Жанубий Кореяда ваколатхоналарини очиш масаласи кўриб чиқилмоқда. Бу ҳақда «1news.uz» хабар берди.
Ўзбекистон ва Россия ўртасида миграцияга масъул идоралар ваколатхоналарини ўзаро ташкил этиш тўғрисида келишув имзоланган.
Мазкур келишув доирасида Москва, Белгород, Краснодар, Санкт-Петербург, Калининград, Владивосток ва Россиянинг бошқа шаҳарларида агентлик ваколатхоналарини очиш кўзда тутилмоқда.
Жорий йил биринчи чорагида 551 нафар Ўзбекистон фуқароси ишлаш учун Жанубий Кореяга йўл олди. 2017 йил февралида Польша компанияси билан имзоланган ушбу мамлакат ҳудудида меҳнат фаолиятини амалга ошириш учун Ўзбекистон фуқароларини жалб этиш бўйича келишув доирасида ҳар йили 2,5 минг кишини иш билан таъминлаш режалаштирилмоқда.
Шунингдек, Жанубий Корея, Россия ва Япония билан бошқа ҳукуматлараро, муассасалараро шартномалар ва келишувларга ҳам эришилган. Бундай ҳужжатларни Польша билан имзолаш кўзда тутилган, Уммон ва Туркия билан музокаралар олиб борилмоқда.
Изоҳ (0)