Филиппинда диний радикалларнинг айирмачилар билан тўқнашувларида 25 киши ўлдирилди

Филиппин жанубида исломий радикалларнинг айирмачилар билан тўқнашувларида 25 киши ҳалок бўлди. Бу ҳақда, Reuters’га асосланиб, «РИА Новости» хабар бермоқда.

Мамлакат ҳукумати террорчиларга қарши курашиш мақсадида айирмачилар билан сулҳ тузган.

Филиппин армияси вакили полковник Герри Бесаннинг сўзларига қараганда, ҳарбий хизматчилар ИШИД тарафдорларига қарши курашаётган «Моро ислом озодлик фронти» гуруҳи жангариларига артиллерия ёрдамини берган.

Жангларда ИШИДнинг 20 тарафдори ҳалок бўлди. Шунингдек, айирмачиларнинг беш нафар аъзоси ўлдирилди.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.