«Қирғизлар — мусулмон эмас» китоби муаллифи, «Учур» газетаси бош муҳаррири Зулпукаар Сапанов фикрича, уни динлараро нифоқни келтириб чиқаришда ноқонуний айблашган, асар бўйича экспертиза эса бир томонлама ва нохолис ўтказилган. Бу ҳақда журналист KNews нашрига маълум қилди.
Унинг сўзларига кўра, китобда қирғиз халқи генеологик шажараси ва анъаналари ҳақида гап борган.
«Китобда қирғизлар қандай кийим кийгани, қандай динга сиғингани ва қанақа анъаналарга риоя қилгани ҳақида батафсил айтиб берилган… Шунингдек, китобда мен бугунги кунда кўплаб диний арбоблар аза қўшиғини айтувчиларга дафн маросимларида куйлашни тақиқлаётгани, аммо бу удум қирғилар маданиятининг бир қисми ҳисобланишини ёзганман. Биз ўз анъаналаримизни, маданиятимизни ҳурмат қилишимиз ва асрашимиз керак. Ўз анъаналари ва тилини йўқотган халқ ўз давлатини ҳам йўқотади», — дея таъкидлади Сапанов.
Унинг айтишича, китобни таҳлил қилишда асарни экспертизадан ўтказган мутахассислар ўз мажбуриятларига масъулиятсизлик билан ёндашиб, асарни бир томонлама таҳлил қилган. Китобда диний душманликни уйғотиш ҳақида гап ҳам бўлмаган, «бутун китоб менинг анъаналар ҳақидаги таҳлилий қайдларимдан иборат, ҳеч қандай даъват ва провокациялар ҳақида айтилмаган», — деди у.
Сапановга нисбатан очилган жиноий иш бўйича ҳукм 10 август куни эълон қилиниши керак эди, аммо мажлисни кейинга қолдиришди.
Изоҳ (0)