Korzinka.uz дўконларида нон харид қилиш мобайнида тармоғимизда korzinka.uz шахсий савдо белгиси остида нон маҳсулотлари сотилаётганига эътибор қаратган бўлсангиз керак. БротМайстер ҳамда «Муза» нон ва қандолат маҳсулотлари ишлаб чиқарувчи тармоқларини ўзида бирлаштирган «Нонаш» МЧЖ компанияси бизнинг айни йўналишдаги ҳамкоримиз саналади.
Бугунги кунда дўконларимизда ноннинг 35 дан ортиқ турлари шахсий савдо белгимиз остида тақдим этилган бўлиб, сентябрда уларнинг сафи яна 11 тага кўпайиши режалаштирилмоқда. Келинг энди нонларимизнинг ўзига хос хусусиятлари ва сотувдаги бошқа нонлардан ажралиб турувчи жиҳатларига тўхталиб ўтсак. Бу ҳақда сиз туркум мақолаларимиз орқали танишиб боришингиз мумкин!
Анъанавий технологиялар
korzinka.uz нонларининг энг асосий ўзига хос жиҳати уларнинг тайёрланиш жараёнида, десак янглишмаган бўламиз. Нонларимиз анъанавий усуллар ёрдамида, кимёвий қўшимчалар ва сунъий таъм берувчиларсиз пиширилади. Бундай қўшимча ҳамда консервантлар маҳсулотнинг яроқлилик муддатини узайтириб унга иштаҳали кўриниш ва ўзгача таъм берсада, инсон организмига салбий таъсир этиши мумкин. Шу сабабли биз «Фақат табиий ва фойдали маҳсулотлар» иборасини ўзимиз учун шиор қилиб олдик.
korzinka.uz нон маҳсулотларини тайёрлаш жараёнида энг юқори сифатли буғдой, жавдар ва маккажўхори унидан фойдаланилади. Жуда оз миқдордаги кимёвий қўшимчаларни ишлатган ҳолда, юқори даражали таъм ва соғлик учун фойдали хусусиятларнинг сақланиб қолинишига эътибор берилади. Нон маҳсулотлари ишлаб чиқариш бўйича ҳамкоримиз «Нонаш» МЧЖ раҳбари таъкидлаганидек: «Тайёрлаётган маҳсулотларимизни оиламизнинг барча вакиллари истеъмол қилишади. Шунинг учун ҳам маҳсулотларимизни ҳеч иккиланмасдан харидорларга тавсия эта оламиз!»
Кенг турдаги маҳсулотлар
Юқорида таъкидлаб ўтганимиздек, айни дамда korzinka.uz дўконларида мазали масаллиқлар қўшилган италянча чиабатта, Бородинский, хуштаъм батон ва багетлар ҳамда бошқа нон маҳсулотларининг 35 дан ортиқ турлари шахсий савдо белгимиз остида сотилмоқда.
Сархил таъмлардан иборат кенг турдаги ассортимент туфайли ҳар бир харидоримиз ўзига маъқул бўлган нонни бемалол танлаб олиши мумкин.
korzinka.uz савдо белгиси остидаги нон маҳсулотлари қуйидаги тоифаларга ажратилади:
- Жавдар ва буғдой уни аралашмасидан
- Буғдой унидан
- Оширма хамирли
- Парҳезбоп
- Кичик ҳажмли
Кўп йиллик тажриба ва хорижий технологиялар
«Нонаш» МЧЖ ўзаро тажриба алмашиш ва ишлаб чиқарилаётган маҳсулотларининг сифатини назорат қилиш мақсадида хорижий мутахассислар билан фаол алоқалар ўрнатган. Компания турли йилларда Германия, Голландия ва Ғарбий Европанинг бошқа давлатларидан ташриф буюрган етук мутахассислар билан ҳамкорлик олиб борган. Бугунги кунда германиялик мутахассис Детлеф Диэрвалд корхонанинг бош технологи саналади. korzinka.uz нонлари айнан унинг раҳбарлиги остида тайёрланмоқда.
Доимо етакчиликка интилиш
Сотувга чиқарилганига кўп вақт бўлмаган бўлсада, korzinka.uz нонлари аллақачон харидорларнинг ишончи ва меҳрини қозонишга улгурди. Аммо биз эришилган ютуқларда тўхтаб қолмасдан, доимо янги тайёрлаш усуллари устида бош қотириб келмоқдамиз. «Нонаш» компаниясининг раҳбари Шукурулло Файзуллаев бу борада «Биз ҳар қадамда илҳом излаймиз. Хорижий кўргазмаларга борамиз, янги таъмларни қидириб топиб маҳаллий харидорларимизнинг таъбига мос келадиган тарзда тайёрлашга интиламиз», —дея таъкидлайди.
korzinka.uz мазали нон маҳсулотлари билан таъмлар сархиллигидан баҳраманд бўлинг!
korzinka.uz — 20 йил хизматингизда!
— Сайтимиз: www.korzinka.uz
— Facebook саҳифамиз: fb.com/korzinkauz/
— Instagram саҳифамиз: instagram.com/korzinkauz/
— Telegram каналимиз: t.me/korzinka_uz
— Телефон рақамларимиз: +998 71 140 1414
Реклама ҳуқуқи асосида!
Изоҳ (0)