АҚШ ИШИДга қарши курашиш учун Ироқ шимолида ҳарбий база ташкил этмоқда

Ироқ шимолида, Талл-Афар шаҳри яқинида АҚШ қуролли кучларининг янги базаси ташкил этилмоқда. Шаҳар уч йилдан буён ИШИД гуруҳи назорати остидадир, деб хабар беради «ТАСС».

Янги ҳарбий объект Талл-Афарни экстремистларддан озод қилиш бўйича операциялар ўтказишга мўлжалланган. База қурилиши 50 фоизга якунланган, у ерга аллақачон АҚШ ҳарбий зирҳли техникаси ва ҳарбий мутахассислари етиб келди.

Айни пайтда самолётлар учун учиш-қўниш тасмаси қурилмоқда.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.