Ўзбекистон Молия вазирлиги ўрта ва узоқ муддатли даврда мамлакат молия бозорини ривожлантириш концепцияси лойиҳасини ишлаб чиқди, деб ёзади «Газета.uz». Ҳужжат Норматив-ҳуқуқий ҳужжатлар муҳокамаси порталига жойланди.
Ўзбекистонни ривожлантириш бўйича беш йиллик Ҳаракатлар стратегиясида кўзда тутилган концепцияни ишлаб чиқишда Корея фонд биржаси, БМТ Тараққиёт дастури, Халқаро молия корпорацияси, Вазирлар Маҳкамаси ҳузуридаги Прогнозлаштириш ва макроиқтисодий тадқиқотлар институти ва бошқа тузилмалар экспертлари қатнашди.
Концепцияни амалга ошириш учун 2017—2021 йилларда молия бозорини ривожлантиришнинг комплекс дастурини тасдиқлаш таклиф этилмоқда. Унда қимматли қоғозлар, суғурта ва банк хизматлари бозорларининг норматив-ҳуқуқий базасини такомиллаштириш, янги молиявий воситаларни жорий этиш, молия бозорини тартибга солиш тизимини институционал тарзда мустаҳкамлаш бўйича чора-тадбирлар назарда тутилган.
Изоҳ (0)