Қуддусдаги Ибодатхона тоғига чиқишда видеокамералар ўрнатила бошланди

Исроил хавфсизлик хизмати Қуддусдаги Ибодатхона тоғига чиқиш жойига кузатув камералари ўрната бошлади. Бу ҳақда «Интерфакс» хабар бермоқда.

Маҳаллий телевидение орқали хабар қилинишича, камералар ўрнатилиши 23 июль эрталабки соатларида бошланган.

Илгари хабар қилинганидек, ўтган ҳафта уч жангари Ибодатхона тоғида икки полициячини ўлдириб кетгани бу ҳудудда хавфсизлик чораларининг кучайтирилишига сабаб бўлди. Жумладан, Ибодатхона тоғига чиқиш учун металл аниқловчи ромлардан ўтиш талаб этилади. Бундан ташқари, эликка тўлмаган мусулмонларга ал-Ақсода намоз ўқиш тақиқланди.

Бу чоралар маҳаллий мусулмонлар орасида кескин норозиликларга сабаб бўлди. Улар намойишлар уюштирмоқда, шунингдек, полиция билан тўқнашувларга киришмоқда.