Вазирлар Маҳкамасининг 2017 йил 14 июлдаги 497-сон қарори билан Ўзбекистон Республикаси фуқароларининг сафарбарлик чақируви резервида (СЧР) хизматни ўташи тартиби тўғрисида низомга тузатишлар киритилди, деб хабар берди Norma.
2015 йилнинг сентябрь ойида қуйидаги қоида жорий қилинган: СЧР хизматчиси вафот этган тақдирда тўланган пул бадаллари унинг яқин қариндошига, меросхўрига, васийсига ёки ҳомийсига қайтарилади.
Мудофаа вазирлигининг статистикасига кўра, кўрсатилган санагача 244 нафар СЧР хизматчилари пул бадалларини тўлаган (жами сумма — 233,5 миллион сўм), бироқ вафот этганлиги сабабли ҳарбий йиғинлардан ўтмаган.
Шу муносабат билан нормага орқага қайтиш кучини беришга қарор қилинди. Яъни вафот этган (ҳалок бўлган) СЧР хизматчиларининг яқин қариндошлари, меросхўрлари, васийлари ёки ҳомийларининг мурожаатларига бўйича ҳатто пуллар 2015 йил сентябрь ойигача ўтказилган тақдирда ҳам улар қайтарилади.
Бундан ташқари, эндиликда СЧР хизматчисига III гуруҳ ногиронлигини (илгари фақат I ва II гуруҳ эди) бериш бадалларни қайтариш учун асос бўлиб хизмат қилади.
Изоҳ (0)