Дэниел Крэйг яна Жеймс Бонд ролини ижро этади

Англиялик актёр, тўрт фильмда агент Жеймс Бонднинг ролини ижро этган Дэниел Крэйг яна ушбу образга қайтади. Бу ҳақда The Independent нашри ёзмоқда.

Айтилишича, франшиза продюсери Барбара Брокколи актёр номзодини маъқуллаган. Манбаларга кўра, ушбу ролга асосий номзод ҳисобланган Том Хиддлстонни «ортиқ даражада ўзига бино қўйган» деб топган.

Брокколи британиялик хонанда Адель билан келишиб, унга янги фильм учун қўшиқ буюртма қилишни режалаштирмоқда. Унинг «007: Координаталар ‘Скайфолл’» фильми учун ижро этган куйи «Грэмми» ва «Олтин глобус» мукофотларига сазовор бўлган эди.

2015 йили Дэниел Крэйг бондиананинг кейинги фильмларида иштирок этганидан кўра томирларини кесиб ташлашини айтган эди.