ЮНЕСКО Бутундунё мероси қўмитаси Иордан дарёсининг ғарбий қирғоғидаги Хеврон (ал-Халил) эски шаҳрини ўз рўйхатига киритди. Бу ҳақда Meduza хабар бермоқда.
Қўмитанинг бу ҳақдаги хабарида Патриархлар ғори (Иброҳим, Исҳоқ, Сора ва бошқалар дафн этилган жой) жойлашган манзил Фаластин ҳудуди сифатида кўрсатилган.
Jerusalem Post нашрига кўра, ЮНЕСКО илк бор яҳудийлар диний обидасини Фаластинники деб атади.
Исроил бош вазири Биньямин Нетаньяху ЮНЕСКОнинг бу қарорига жавобан БМТни молиялаштиришни миллион долларга камайтириш ва бу маблағни Хевронда музей қуришга йўналтиришга кўрсатма берди.
Маълумот учун, Исроил БМТни молиялаштиришни тўртинчи бор қисқартирмоқда: бу кўрсаткич 11 миллиондан 1,7 миллион долларгача камайди.
Изоҳ (0)